Akina mama wenye watoto chini ya miezi sita wa Kata ya Majengo halmashauri ya mji wa Kahama wakiwa katika semina ya kupewa elimu kuhusu unyonyeshaji wa watoto.
Na Patrick Mabula- Kahama
Akinamama wajawazito
wanapojifungua wametakiwa kufuata elimu ya watalaam wa afya kuhusu
kuwanyonyesha watoto maziwa ya mama kwa miezi sita mfululizo bila kumpatia
rishe yoyote hali inayomfanya mtoto kuwa na afya bora ya mwili na akili.
Wito huo umetolewa mjini
Kahama na Mratibu wa Huduma ya Afya ya Uzazi na Mtoto wa Halmashauri ya mji wa
Kahama, Carolyne Marcel katika tamasha la kutoa elimu kwa akina mama wanaonyonyesha
watoto walio chini ya miezi sita, lililoandaliwa na SHDEPHA+ katika
mradi wake wa TULONGE AFYA kwa lengo la kuwafundisha unyonyeshaji bora.
Marcel alisema mama anapojifungua
anapaswa kumnyonyesha mtoto maziwa ya
mama kwa miezi sita mfululizo na hatakiwi kumpatia rishe ya aina yoyote kwa kipindi
hicho, ili kumsaidia mtoto kukua vizuri kwa afya bora na akili yenye uelewa
mpana atakapokuwa mkubwa kwa sababu
maziwa ya mama yana virutubisho muhimu.
Naye Mratibu wa Huduma ya afya ya jamii na elimu kwa umma wa halmashauri ya mji wa
Kahama, Asteria Kamanga amewataka akina mama kufuata
elimu wanayopewa na watalaam wa afya kuhusu malezi bora ya watoto katika
kuwanyonyesha maziwa ya mama wanapojifungua
kwa sababu yanawasaidia watoto kukua vyema
kimwili na kiakili.
Kwa upande wao baadhi ya akina mama waliohudhuria hafla hiyo, wenye watoto chini ya miezi sita wanaonyonyesha waliwataka wenzao kuachana na elimu ya mitaani inayopotosha
katika malezi ya mtoto, bali wazingatie elimu ya wataalam wa afya ili kuhakikisha mtoto anakuwa vizuri.
Meneja mradi wa Tulonge Afya unaotekelezwa katika halmashauri ya
mji wa Kahama na Shirika la SHDEPHA+, Martin Kitina amesema lengo ni kutoa
elimu kwa akina mama wanaojifungua namna ya unyonyeshaji mzuri kwa mtoto kwa
miezi sita mfululizo.
Meneja Mradi wa Tulonge Afya wa Shirika la SHDEPHA+, Martin Kitina akizungumza katika hafla ya utoaji elimu kwa akina mama wanaonyonyesha watoto walio
chini ya miezi sita wa Kata ta Majengo wilayani Kahama
kuhusu unyonyeshaji bora wa mtoto maziwa ya mama kwa miezi sita.
Mratibu
wa Mradi wa Tulonge Afya wa Shirika TMARC Tanzania mkoa wa Shinyanga, Mgalula Ginai akiwaasa akina mama wa Kata ya Majengo mjini Kahama
kuzingatia elimu ya wataalam wa afya juu ya unyonyeshaji wa watoto kwa miezi sita mfululizo.
Mratibu wa huduma ya afya ya jamii elimu kwa umma wa halmashauri ya mji wa Kahama, Asteria Kamanga alipokuwa akitoa mada katika hafla hiyo katika utekelezaji wa mradi wa Tulonge Afya unaosimamiwa na SHDEPHA+.
Baadhi ya akina mama hao wakifuatilia ushauri uliotolewa na wataalam wa afya kutoka shirika la Shidepha+
Washiriki wa hafla hiyo wakiwa katika picha ya pamoja
Picha zote na Patrick Mabula
