Aliyekuwa Naibu Spika wa Bunge la Jamhuri ya Muungano wa Tanzania, Dkt. Tulia Ackson.
NAIBU Spika wa Jamhuri ya Muungano wa Tanzania, Dkt.Tulia Ackson
amesema kuwa anatarajia kuchukua fomu kesho ya kugombea ubunge Jimbo la
Mbeya Mjini huku akieleza kushawishiwa na wafanyabiashara,wananchi na
kuchangiwa Sh milion 3 kwa ajili ya kuchukulia fomu.
Dkt.Tulia amesema hayo jana wakati akizungumza na wafanyabishara katika soko la SIDO Jijini hapa wakati alipokuwa akikabidhiwa Sh.milioni moja ikiwa ni miongoni mwa michango aliyopatiwa na wananchi kwa ajili ya kumtuma kuchukua fomu ya kuwania jimbo hilo.
“Kutokana na kuombwa na wana-Mbeya na wafanyabishara nimeona nia yao
ya dhani kwa kunichangia hivyo nimeingia katika kinyang’anyiro hicho na
kesho Julai 14 nachukua fomu rasmi ya kugombea ili nikidhi kiu
yao”amesema.
Aidha Dkt.Tulia alishukuru wafanyabiashara na wananchi kwa upendo
waliouonyesha kwake na kuwaahidi kesho atakwenda kuchukua fomu ya
kugombea ubunge bila kusita.
Kwa upande wake Mwenyekiti wa wanyafabiashara Soko la Sido ,Abel
Mwakipesile amesema kuwa wameamua kumchangia kiasi hicho cha fedha
kutokana na jitihada zake za kujitoa kwenye jamii pamoja na kusaidia
miradi ya maendeleo Jijini Mbeya.
“Sisi wafanyabiashara tumeona umuhimu wa kumchangia kuchukua fomu
Dkt. Tulia kwani amekuwa akisaidia vitu mbali mbali katika jamii tena
bila ubaguzi”amesema .
Naye Mwenyekiti wa Kikundi cha Mwanamke shujaa, Sarah Ndambo amesema
kuwa wao kama wanawake wanamuamini kutokana na kazi kubwa aliyoifanya
kupitia taasisi yake isiyo ya kiserikali ya Tulia trust inayojihusisha
na uwezeshaji wa mikopo yenye riba nafuu.
Hata hivyo wanawake hao wamesema kuwa wanaimani na Dkt.Tulia kutokana
na maendeleo aliyoyafanya katika kata ya majengo kwa kuwasaidia wazee
wasio jiweza na kuboresha miundo mbinu ya elimu,afya na nyanja
mbalimbali.
Pazia la watia nia kugombea nafasi za Ubunge na Udiwani kwa Chama cha
Mapinduzi zinafunguliwa rasmi Julai kumi 14 mwaka huu huku wagombea wa
chadema wakiingia katika mchakati wa kura za maoni ili kutangaza
wagombea wa nafasi za ubunge katika majimbio sita huku jimbo la Mbeya
Joseph Mbilinyi akitetea kiti chake.
Kama una Taarifa, Habari, Tangazo n.k Wasiliana nasi kupitia shinyapress@gmail.com au +255 788 469 464
