Katibu wa Itikadi na Uenezi wa CCM, Humphrey Polepole.
Katibu wa Itikadi na Uenezi wa CCM Humphrey Polepole, amewaonya wale
wote waliokuwa wametengeneza vipeperushi na mabango na kuyaweka
mitandaoni ya kwamba wanatangaza nia ya kugombea Ubunge katika jimbo
fulani, waache mara moja kwa kuwa wameanza kampeni kabla ya wakati.
Polepole
ametoa kauli hiyo hii leo Julai 13, 2020, Jijini Dodoma, wakati akitoa
ratiba ya mchakato mzima wa kuwapata wagombea wa nafasi za Ubunge na
Uwakilishi kwa upande wa Zanzibar, ambapo amesema kuwa tayari
amekwishaona watu wanavyosambaza mabango yao wakijinadi.
"Tumeshaanza kuona watu wanabandika mabango mitandaoni
mnatangaza nia, ndugu yangu lile ni kosa, umeanza kampeni kabla ya
wakati, kule ni kujipitisha kimtandao kwa wanachama, vipi yule ambaye
hawezi kujitangaza kwa mtindo huo.
Ninawaonya muache mara moja kutumia
mabango na vipeperushi kabla ya mchakato wa uchaguzi, fomu zitaanza
kuchukuliwa kesho, wewe unaanza kujipiga mabango ni kinyume na taratibu
tulizojiwekea" amesema Polepole.
Kama una Taarifa, Habari, Tangazo n.k Wasiliana nasi kupitia shinyapress@gmail.com au +255 788 469 464
