Katibu wa Chama Cha Mapinduzi (CCM) wilaya ya Kahama Emmanuel Mbamange (kushoto) akimkabidhi fomu ya kugombea Ubunge Jimbo la Kahama Mjini, Shidula Mabambasi
Salvatory Ntandu - Kahama
Baada ya Chama cha mapinduzi (CCM) kuanza zoezi la kutoa
fumu za kugombea nafasi mbalimbali ndani ya chama hicho kuanzia leo Julai 14, 2020, Jumla ya wagombea 70 wakiwemo wanawake 7 wamejitokeza kuchukua fomu za kuomba ridhaa ya
kuchaguliwa na chama hicho katika nafasi za Ubunge majimbo ya Kahama
mjini,Ushetu na Msalala.
Akizungumza na Waandishi wa Habari leo baada ya
kukamilisha siku ya kwanza ya utoaji wa fomu za ubunge na Udiwani, Katibu wa CCM
wilaya ya Kahama, Emmanuel Mbamange amesema mwaka huu wagombea wengi wamejitokeza kuwania nafasi za ubunge tofauti na uchaguzi wa mwaka
2015.
Alisema kuwa katika Jimbo la kahama Mjini leo wamejitokeza
wagombea 37 ambapo kati yao wanawake ni sita na vijana ndio wameongoza
katika zoezi hilo ambalo linatarajia kufungwa Julai 17, 2020 saa 10 jioni.
“Katika Jimbo la Msalala mpaka sasa kunawagombea 25 ambapo
mwanamke ni mmoja huku Jimbo la Ushetu likiwa na wagombea nane
pekee,natarajia mapaka tarehe ya mwisho wagombea wengi watajitokeza kuomba
nafasi mbalimbali za Ubungea na udiwani ili waweze kuwatumikia wananchi katika
maeneo yao,”amesema Mbamange.
Amebainisha kuwa CCM mpya inayoongozwa na Rais Dk. John Magufuli imejidhatiti kuboresha demokrasia ndani ya chama hicho, hali ambayo
imesababisha watu wengi kukipenda chama hicho na mazuri yanayofanywa na
serikali ya awamu ya Tano ikiwa ni pamoja na kutatua kero zinazowakabili
wananchi wanyonge.
“Kukua kwa demokrasia ndani ya CCM imewavutia watuwengi
kujiunga na chama ndio maana unaona watu wengi wanaomba nafasi mbalimbali za
uongozi kutokana na misingi mizuri inayosimamiwa na mwenyekiti wetu wa Taifa Dk
Magufuli,”amesema Mbamange.
Sambamba na hilo amesema kuwa jumla ya wagombea 50
wamejitokeza kugombea nafasi za udiwani wa viti maalum huku katika kila kata
zote katika majimbo matatu fomu za udiwani zikiendelea kutolewa ambapo mwitikio
nao umekuwa ni mkubwa ikilinganishwa na uchaguzi mkuu wa mwaka 2015.
Katibu wa CCCM wilaya ya
Kahama Emmanuel Mbamange (Kushoto) akimkabidhi fomu ya kuwania ubunge wa Jimbo la Msalala, Anitha Obadia Shamawele.
Katibu wa CCCM wilaya ya Kahama Emmanuel Mbamange
Kama una Taarifa, Habari, Tangazo n.k Wasiliana nasi kupitia shinyapress@gmail.com au +255 788 469 464
