JUMUIYA YA WAZAZI CCM WILAYA YA KAHAMA YAMUUNGA MKONO RAIS SAMIA KWA KUHAMASISHA UTALII

Mtaalamu wa wanyapori kutoa Dar'es-salaam akimueleza mwenyekiti wa jumuiya ya wazazi wilaya ya Kahama Charles Lutonja namna ambavyo wanautangaza utalii kwa hifadhi ya wanyapori inayotembea

Na  Kareny   Masasy,  Kahama

JUMUIYA  ya wazazi  ya chama cha Mapinduzi (CCM) wilaya ya Kahama  mkoani Shinyanga imeadhimisha kumbukizi ya kifo cha baba wa taifa Mwalimu Julius Kambarage Nyerere  kwa  kuhamasisha  wananchi   kutembelea wanyamapori .

Mwenyekiti wa jumuiya ya wazazi  wilaya ya Kahama  Charles  Lutonja amesema  hayo  kwenye ufunguzi wa maonyesho ya biashara na uhifadhi wa wanyama pori unaotembea  unaofanyika kwenye viwanja vya uwezeshaji wananchi kiuchumi.

Lutonja amesema wameamua kuadhimisha kuanzia  tarehe  14/10/2022  hadi tarehe 22/10/2022  kwa kuendeleza   kupinga  mambo  matatu ya ujinga,maradhi na umasikini  sanjari na kuutangaza utalii wa ndani.

Lutonja amesema  Marais wote waliopita na  Rais  wa sasa wa  Jamhuri wa muungano wa Tanzania Samia Suluhu Hassan  ambaye anaendelea kupigania watanzania wapate elimu ndiyo maana ameleta fedha tena kwaajili ya ujenzi wa vyumba vya madarasa.

Lutonja  amewataka wazazi kuhakikisha watoto wao wanapata elimu na kutokomeza mimba za utotoni na kuwasimamia vijana wasikae hovyo vijiweni nakujifunza mambo mabaya.

“Ilani ya chama  cha Mapinduzi inayotekelezwa na serikali imefanya mambo makubwa ya kuleta maendeleo  ukiangalia suala la elimu bure  lengo watoto wote wapate elimu na  kama taifa watu wake wakiwa wajinga hakuna maendeleo yatakayofanyika”amesema Lutonja..

Mjumbe wa baraza la  wazazi Taifa Hatibu Mgeja amesema  Hayati mwalimu Nyerere alipigana na maadui watatu  na  kila mwaka yanaenda yakibadilika  kwani kuna vituo vingi vya afya vimejengwa, sekta ya elimu vyumba vya madarasa   na pongezi hizi ziende kwa Rais Samia Suluhu  kwa kutekeleza kwa vitendo.

Katibu wa chama cha Mapinduzi wilaya ya Kahama  Mary Muhoha  amesema   leo  kumbukumbu ya baba wa taifa wameamua kuutangaza pia utalii wa ndani kwa kuwaleta wanyama ili wananchi wajifunze  na kuwaona na kutekeleza Ilani ya chama cha Mapinduzi.

“Tunautangaza utalii wetu kwa kumsaidia Rais  kwani unaingiza pato la taifa  na kunyanyua uchumi  wengi wamekuwa wakishindwa kwenda Mbuga za wanyama lakini leo wameletewa hapa hapa  na kuchangi sh 1000  wadogo na wakubwa 2000 tofauti  ambavyo wangeenda Serengeti au Mikumi wangetoa pesa nyingi”. amesema Muhoha

Katibu Muhoha amewataka wajasiriamali kutumia fursa ya kituo cha uwezeshaji wananchi kiuchumi kupata maarifa  ya kujiongezea kipato kwani taasisi 14 muhimu zenye mrengo tofauti ziko hapa  zinatoa elimu. 

Viongozi wa jumuiya ya wazazi  wa chama cha Mapinduzi  wakiwa na katibu wa chama hicho wilaya ya Kahama katika ofisi za uwezeshaji wananchi kiuchumi.

Mwenyekiti wa jumuiya ya wazazi  wa chama cha Mapinduzi  wilayani Kahama mkoani Shinyanga  Charles Lutonja  akiwa na viongozi wengine walipotembelea hifadhi ya wanyapori inayotembea katika viwanja vya kituo cha uwezeshaji wananchi kiuchumi 

Mwenyekiti wa jumuya ya wazazi wilaya ya Kahama Charles Lutonja  akipatiwa maelezo na mtaalamu wa wanyapori.

Viongozi wa jumuiya ya wazazi wilayani Kahama wakiangalia  wanyamapori katika banda walilohifadhiwa simba.

Mwenyekiti wa wanawake wa uwezeshaji wananchi kiuchumi mkoani Shinyanga Regina  Malima  akiwaelezea viongozi namna ya mamalishe wanavyojinyanyua kiuchumi.

Viongozi wakiwa meza kuu

Viongozi wakishangili  vijana ambao hawapo pichani wakishangilia.

Mwakilishi wa baraza la wazazi taifa kutoka wilayani Kahama Hatibu Mgeja akisalimia wananchi katika kituo cha uwezeshaji wananchi kiuchumi.

Mwenyekiti  wa jumuiya ya wazazi wilaya ya Kahama  Charles Lutonja  akihutumia wananchi.

katibu wa chama cha Mapinduzi wilaya ya Kahama mkoani Shinyanga Mary Muhoha akiongea namna ya kupatikana kwa fursa kwenye kituo cha uwezeshaji wananchi na kuhamaisha utalii wa ndani.

Viongozi wakiwa meza kuu.

 

Kama una Taarifa, Habari, Tangazo n.k Wasiliana nasi kupitia shinyapress@gmail.com au +255 788 469 464