Suzy Luhende,Shinyanga blog
Kikao cha Baraza la madiwani wa halmashauri ya Kishapu mkoani Shinyanga kimejadili na kupitisha mpango wa bajeti wa mwaka 2023/2024 Jumla ya Shilingi Bilioni 39.4
ambazo zitatumika katika kutekeleza miradi mbalimbali ya halmashauri hiyo.
Wakijadili ajenda ya kikao maalumu cha baraza la madiwani la kujadili na kupitisha mpango na bajeti ya mwaka 2023/2024 madiwani wa halmashauri hiyo wamesema bajeti hiyo itatumike kutekeleza miradi mbalimbali ya maendeleo iliyoainishwa na kuhakikisha inaondoa changamoto zote za halmashauri zilizopo.
Diwani wa kata ya Seke Bugoro Fednand Mpogomi amesema bajeti hiyo waliyoipitisha wanatakiwa wakaisimamie ipasavyo, pia amempongeza Meneja wa Tarura kwamba anafanya kazi yake kwa kujituma, lakini pia amesema kuna baadhi ya wakandarasi ni mizigo hawafanyi kazi zao kwa kiwango wanatakiwa wachunguzwe wasiendelee kupatiwa kazi.
"Bajeti yetu tumeipitisha leo, tunasisitiza wakuu wa idara na sisi wenyewe madiwani twendeni tukazisimamie kikamilifu fedha zetu tulizozipitisha wenyewe kwa ajili ya maendeleo ya halmashauri yetu na zikatatue changamoto za watu wetu ili kuhakikisha kero zilizopo zinaisha,"amesema Mpogomi.
"Pia naomba barabara ya Wishiteleja kwenda Mipa haimo kwenye bajeti hii naomba ihamishiwe kwenda Tanroad kutoka Tarura kwani ni barabara kubwa inaunganisha barabara ya lami kutoka Mwanza kwenda bariadi kupitia kijiji cha Mwakolongo inakutana na rami ya bariadi, kwa sababu tunaujenzi wa Reli bandari kavu, hivyo mizigo mingi itapitia pale,"ameomba Mpogomi.
Kwa upande wake mwenyekiti wa halmashauri hiyo William Jijimya ambaye ni diwani wa kata ya Mondo ameagiza bajeti hiyo ikasimamowe na kuheshimiwa, ikafanye kazi inayotakiwa, madiwani wote na watendaji wakashirikiane kwa pamoja ili kuhakikisha kila mmoja anawajibika kwa kuzingatia idara yake.
"Bajeti hii imepitishwa kwa makusudi watumishi na madiwani simamieni ipasavyo lengo la serikali ni kuona mapato yanasimamiwa kwa asilimia 100, pia Rais wetu mama Samia Suluhu ametupa fedha nyingi sana kwa ajili ya miradi mbalimbali ya maendeleo,hivyo tunaomba asituchoke aendelee kutusaidia tuisimamie na tuhakikishe miradi yetu inakuwa ya kiwango zaidi,amesema Jijimya.
Katibu tawala wa wilaya ya Kishapu Shadrack Kengese bajeti hii iliyopitishwa leo ikasimamiwe na miradi ya mkakati iliyopo ikasimamiwe na kukamilishwa kwa wakati ikiwa ni pamoja na mapato ya ndani yakafikiwe, ili wilaya ya Kishapu ikawe ya mfano.
Aidha mkurugenzi wa halmashauri hiyo Johnson Emmanuel amesema bajeti hiyo iliyopitishwa wataisimamia ipasavyo ili kuhakikisha inatekeleza miradi ya maendeleo ya halmashauri ya Kishapu.
Diwani wa kata ya Kiloleli halmashauri ya Kishapu Edward Manyama akimsikiliza kwa makini mwenyekiti wa halmashauri hiyo akiwataka madiwani wakasimamie bajeti kikamilifu
Katibu Tawala wa wilaya ya Kishapu Shadrack Kengese akizungumza kwenye kikao cha madiwani
Mwenyekiti wa chama Cha Mapinduzi CCM akizungumza kwenye kikao cha madiwani
Diwani akizungumza kwenye kikao
Diwani wa kata ya Seke bugolo Fednand Mpogomi akizungumza kwenye kikao cha madiwani
Madiwani wa viti maalumu kutoka wilaya ya Kishapu wakisikiliza kwa makini
Madiwani wa halmashauri ya Kishapu wakiwa kwenye kikao cha maalumu cha mpango wa bajeti
Madiwani wa halmashauri ya Kishapu wakiwa kwenye kikao cha maalumu cha mpango wa bajeti
Madiwani wa halmashauri ya Kishapu wakiwa kwenye kikao cha maalumu cha mpango wa bajeti
Mwenyekiti wa halmashauri ya Kishapu William Jijimya akizungumza kwenye kikao cha kujadili na kupitisha bajeti ya Mwaka 2023/2024
Madiwani wa halmashauri ya Kishapu wakiwa kwenye kikao cha maalumu cha mpango wa bajeti
Madiwani wa halmashauri ya Kishapu wakiwa kwenye kikao cha maalumu cha mpango wa bajeti
Fednand Mpogomi akisisitiza jambo kwenye kikao hicho
