Na Kareny Masasy
KWELI inasikitisha
kwa umri wa mzee Luhende Heke (80) mkazi wa kijiji cha Ihapa kata ya
Old-Shinyanga ambaye Mahakama ya Wilaya
ya Shinyanga imemkuta anahatia ya kunajisi mwijukuu wake wa darasa la kwanza na kufungwa miaka 30 jela.
Mzee huyo ki umri katika familia au ukoo akitegemewa kuwa mstari wa mbele kukemea vitendo vya ukatili vinavyofanywa na wengine wasio na maadili lakini imekuwa kinyume.
Jamii ya
wilaya ya Shinyanga na maeneo mengine itambue kuwa ipo haja ya kumlinda mtoto kwa mujibu wa sheria ya
mtoto namba 21 ya mwaka 2009 iliyofanyiwa marekebisho mwaka 2019.
Kupitia
sheria hiyo Kifungu namba 65 kinaeleza mtoto anatakiwa kulindwa na jamii nzima
sio mzazi pekee kumbe hata huyo babu alipaswa awe mlinzi wa mtoto huyo siyo
adui wa kumfanyia unyama.
Hakimu
mfawidhi wa mahakama ya wilaya Shinyanga Yusuph Zahoro anasema mtoto huyo alisikilizwa zaidi ya mara tano
akirudia maneno hayo hayo bila
kupindisha na kumtaja babu.
“Upande wa
mashahidi watano wa mtuhumiwa walikuwa
wakimtetea babu na hakuna aliyemtetea
mtoto lakini Sheria inatambua mtoto awe ametaka mwenyewe au amemlazimisha bado ni kosa la jinai sababu kinachoangaliwa
hawezi kujisimamia”anasema Zahoro..
Zahoro
anasema kunajisi au kubaka katika sheria kipo kwenye kifungu cha 130 (1)na
(2)(e) pamoja na 131 (3) cha makosa ya jinai sura 16 kama ilivyorejewa 2022.
Mwendesha
Mashitaka wilaya ya Shinyanga ambaye ni
wakili wa serikali Mboneke Ndimubenya anasema Kucheleweshwa kwa kesi ni mojawapo ya watuhumiwa kuanza kujipanga kwa kuharibu kesi
kwa matokeo ya humfundisha mtoto kugeuza
ukweli na ndicho kilichotokea kwenye
kesi hii.
Familia
wamemuacha mtoto peke yake akijitetee
mwenyewe wote walijikita kumtetea babu ambaye
ni mtuhumiwa aliyefanya kitendo
cha kumnajisi mtoto.
“Familia
bila kufahamu mtoto huyo alipata maumivu makali, ameharibiwa vibaya ameachiwa
kovu la kidonda huenda hata
magonjwa hivyo jamii inatakiwa ibadilike
itoe ushahidi wa kweli”anasema Mwendesha Mashtaka.
Mwendesha
Mashtaka Mkoa wa Shinyanga Ajuaye Zegeli anasema jumla ya watoto 139 wamelawitiwa na kubakwa
au kunajisiwa kwa kipindi cha miezi
sita.
Zegeli anasema
wamesikiliza kesi 84 za ubakaji au kunajisiwa na ulawiti ambazo ni za
kuanzia mwezi Juni 2022 hadi Desemba 2022.
Zegeli
anasema kuanzia Desemba 2022 hadi
Februari 2023 wamesikiliza kesi 55 ambazo zote ni za ulawiti na ubakaji.
Zegeli anasema
katika Mkoa wa Shinyanga hali ya ulawiti na ubakaji imekithiri na
wanaofanya vitendo hivyo ni wazazi wa kiume na ndugu wa karibu.
“Shida kubwa wanapo kamatwa watuhumiwa watoa ushahidi wanakwepa kutoa ushahidi kwa sababu ni ndugu wanayamaliza huko huko na watuhumiwa wanaachiwa huru wanarudi kuendeleza ubakaji na ulawiti”anasema Zegeli.
Anasema "Kwa kweli hali ni
mbaya inasikitisha kwani wengi wanaofanya matukio haya ni ndugu
na wazazi wenyewe wanawabaka watoto wa kike na kuwalawiti, wengine wanakuwa na
imani za kishirikina.
Zegeli anasema ili vitendo hivi
visiendelee elimu itolewe kuanzia makanisani misikitini, ili wananchi wasiogope
kutoa ushahidi wale wale ndio watakuwa wanarudi na kuendeleza ukatili huu.
Zegeli
anashauri serikali ijenge nyumba
ya kuwahifadhi wahanga wanaofanyiwa ukatili na watoa ushahidi kwa ajili ya
kusubiri kesi inasikilizwa kuliko kurudi nyumbani ambapo wanaporudi huko
wanabadilika kwa kufundishwa na vitisho.
Zegeli anasema hali inavyokuwa ndugu kwa ndugu wanakataa nakuelewana mtoto ataje mtu mwingine lakini
wakikaa sehemu moja na kesi ikaendeshwa kwa haraka watatoa ushahidi na
mtuhumiwa atapewa adhabu yake.
Mratibu wa Dawati la jinsia na watoto mkoa wa Shinyanga mrakibu Mwandamizi wa
jeshi la polisi Monica Venance anasema
kwa kweli Mkoa wa Shinyanga una matukio mengi ya ukatili.
"Tuwaomba
wanawake wapaze sauti wanapofanyiwa ukatili wao na watoto waje kwenye vyombo vya sheria kwani ni wachache
tu wanaokuja katika dawati la jinsia” anasema Venace.
Ofisa ustawi
wa jamii mkoa wa Shinyanga Lyidia
Kwesigabo anasema watoto wanaopata
changamoto kama hizo serikali ya mkoa
inawapeleka mahali ambapo wanahifadhiwa bila ndugu kufahamu na kupewa ushauri nasaha ili kurudi katika
hali zao za kawaida.
“Huyu mtoto wakati
kesi ikiendelea alipelekwa sehemu maalum (jina limehifadhiwa) kwaajili ya kurudishwa
kwenye hali yake na huko amekutana na watu wa saikolojia kwaajili ya kumuweka
sawa natumaini amekuwa vizuri na anaendelea na masomo”anasema Kwesigabo.
Mtaalamu wa
malezi na makuzi ya watoto kutoka
Children in crossfire( CiC )Davis Gisuka anasema mtoto anaakili nyingi za kuweza kutambua mtu
anayemfanyia matendo mabaya na maumivu anayoyapata bila kuwekwa kisaikolojia anaweza kwenda na
hali ya hofu nay eye kulipiza kisasi pindi akiwa mkubwa.
Baadhi ya
wananchi mkoa wa Shinaynga Hamida Yahaya na Cesilia Matomi wanalieleza tukio hilo kwa hisia tofauti kwa
kulilinganisha na umri wa mzee huyo wanadai
hizo ni imani za kishirikina mtoto huyo umri alionao alipaswa kulindwa.
Mussa Dokola
anasema mtoto akienda kuishi mbali na familia yake nayo ni changamoto sawa na
kumpoteza hivyo jamii inatakiwa
ibadilike suala la kumlinda mtoto ni
lalazima.
Ripoti ya shirika la kimataifa la kuhudumia watoto (UNICEF) ya mwaka
2011 inayohusiana na ukatili dhidi watoto
ambapo imeeleza Tanzania ni
chanzo muhimu cha takwimu .
Ripoti hiyo inaonyesha msichana
mmoja kati ya watatu na mvulana mmoja kati ya watatu wanapitia aina mbalimbali
za ukatili wa kingono kabla
hawajafikisha miaka 18 ambapo robo tatu ya
watoto wameripotiwa wanafanyiwa ukatili kupitia ndugu wa karibu na
familia
Mwisho.
0 Comments