MANISPAA YA SHINYANGA NA SHUWASA KUONDOA CHANGAMOTO YA UKOSEFU MAJI-SHULE YA MSINGI CHIBE
Mstahiki Meya wa Manispaa ya Shinyanga, Mhe. Elias Ramadhan Masumbuko akiongoza Mkutano wa Baraza la Madiwani wa Manispaa ya Shinyanga
Na mwandishi wetu.
Baraza
la manispaa ya Shinyanga limeagiza Shuwasa na ofisi ya Mkurugenzi wa manispaa
ya Shinyanga kukaa pamoja kwa ajili ya kutatua hali ya ukosefu wa maji kwa
wanafunzi shule ya msingi Chibe.
Baraza
la Madiwani wa Halmashauri ya Manispaa ya Shinyanga limeazimia limetoa pendekezo hilo ili kutatua changamoto ya ukosefu wa maji
katika shule ya msingi chipi kwa takribani miaka miwili.
Pendekezo hilo limetolewa leo Jumanne Oktoba 31,2023 wakati wa Mkutano wa Baraza la Madiwani wa Manispaa ya Shinyanga uliofanyika katika ukumbi wa Halmashauri hiyo wa Lewis Kalinjuna.
Akitoa hoja katika mkutano huo, diwani wa kata ya Chibe John Peter Kisandu alilamikia Shuwasa kushidwa kuondoa tatizo hilo kwa muda mrefu licha ya mabaraza yaliyopita kuagiza kero hiyo kutatuliwa haraka kwa ajili ya kuepusha mlipuko wa magonjwa kwa wanafunzi.
“
Wanafunzi wa chibe wanapata tabu ya maji kwa ajili ya kuweza kujistiri baada ya
bomba hilo kuharibiwa na shughuli za skauti walipokuwa na kambi pale chibe kwa
mazoezi na toka hapo wanafunzi hawana maji ya kujistiri na matumizi mengine,Hii
inaweza kuleta mlipuko wa magonjwa kwa wao kujisaidia vichakani” amesema
Kisandu.
Meneja
Huduma kwa wateja-SHUWASA,Masaka Kambesha ,alisema ni kweli tatizo la maji katika shule hiyo
lipo na watachukua hatua mathubuti kwa ushirikiana na ofisi ya Mkurugenzi
manispaa ili kuondoa adha hiyo kwa wanafunzi.
“Tunalichukua
jambo hili na tukwenda kuliweka katika mpango wa kulifanyia kazi ili kusaidia
wanafunzi wa shule hiyo”anasema Masaka Kambesha
Akiongoza
Mkutano huo, Mstahiki Meya wa Manispaa ya Shinyanga, Mhe. Elias Ramadhan
Masumbuko amesema ni tatizo hilo linapaswa kutojadiliwa tena katika baraza hilo
na akumuagiza Mkurugenzi wa Manispaa ya Shinyanga Alexius Kagunze kujadilia kwa
pamoja na Shuwasa kusaidia wanafunzi hao kupata maji kwa ajili ya kuweza
kujistiri na kupusha hali ya mlipuko wa magonjwa.
“Sitapenda
jambo hili kurudiwa tena kuulizwa kwa baraza lijalo kwa kuwa limeshalalamikiwa
na diwani katika vikao vine vya nyuma ni wakati wa kutekeleza kwa kusaidia
wanafunzi hawa.
Katika hatua nyingine madiwani hao walizungumzia kuhusu ni lini hali ya upatikanaji wa maji kwa watu walioko masekelo eneo karibu na hospitali watapata huduma ya maji licha ya hatua za kulazwa mabomba kuwa zimeshafanyika na pia waliomba kuweza kujua hatua za kisheria za kuwapa wananchi mamlaka kusimamia magati ya maji ili kuondoa sintofahamu inayosabisha ukosefu wa maji kwa wananchi kutokana na kutoelewana baina ya wasimamizi wa magati ya maji na shuwasa katika mikataba ya makubaliano.
Naibu Meya wa Manispaa ya Shinyanga, Mhe. Zamda Shaban akizungumza kwenye Mkutano wa Baraza la Madiwani wa Manispaa ya Shinyanga
Naibu Meya wa Manispaa ya Shinyanga, Mhe. Zamda Shaban akizungumza kwenye Mkutano wa Baraza la Madiwani wa Manispaa ya Shinyanga
