Mtoto aliyezaliwa na ulemavu
Na Kareny Masasy,
TATIZO la mtoto mwenye umri wa miaka mitatu aliyebainika kuzaliwa na ulemavu wa kichwa kikubwa na viungo vya mwili kukosa nguvu haja ndogo na kubwa kutoka bila kujua pamoja na kushindwa kutembea linaweza kutibika wasimuache akaendelea kuteseka.
Daktari bingwa magonjwa ya watoto kutoka Hospitali ya Rufaa ya Mkoa wa Shinyanga Dk Justina Tizeba anasema tatizo hilo likiwahiwa linataibika vizuri.
Akitoa ushauri kwa familia yenye mtoto huyo dk Tizeba anasema umri wa mtoto bado ni mdogo kama walikosa uwezo wa kufatilia matibabu kama walivyoelekezwa na wataalamu wajitahidi kufika kwenye ofisi za serikali kwa mkuu wa wilaya au mkoa ili wapatiwe kibali cha kupata matibabu.
Dk Tizeba anasema mama anapata ujauzito miezi mitatu ya mwanzo kitaalamu ni wakati wa uumbaji wa mtoto anatakiwa apate vidonge vya Folic Acid ambavyo vitasaidia kuimarisha uti wa mgongo na mifupa lakini inaonekana mtoto huyo hakupata ipasavyo.
“Ndiyo maana huwa tunashauri mama anywe folic Acidi miezi mitatu ya mwanzo na baada ya kujifungua siku 42 ili kujenga mifupa na kusiwepo na matatizo ya mtoto kuzaliwa na changamoto zozote na katika ukuaji wake.
Dk Tizeba anasema Mama asipofuatilia ushauri wa wataalamu na kuacha kutumia Folic Acid ipasavyo upo uwezekano wa mtoto kuzaliwa kichwa kikubwa,Mgongo wazi au tundu nakushindwa kutembea wakati mwingine kutokwa haja kubwa au ndogo bila kujijua.
“Mtoto huyo matatizo yote hayo anayo nakutambaa kwa kurudi kinyume nyume ni uti wa mgongo kukata mawasiliano yameenda kuathiri pia ubongo lakini umri wake bado ni mdogo anatibika wasizebee wazazi kumpeleka kwa wataalam”anasema DK Tizeba.
Dk bingwa wa magonjwa ya wanawake kutoka hospitali ya Rufaa ya Mkoa wa Shinyanga Dk Agustino Maufi anasema Mjamzito anatakiwa ahudhurie Kliniki ili apate maendeleo ya ukuaji wa mtoto wake.
“Na hivi sasa serikali imeongeza mahudhurio kwa wajawazito yalikuwa mahudhurio manne na sasa yamefika mahudhurio nane lengo kuhakikisha mtoto anapata maendeleo mazuri akiwa tumboni na mama kuweka mahusiano mazuri na watoa huduma .”anasema Dk Maufi.
Dk Maufi anasema asilimia 57 ya wanawake wanakutwa na viashiria vya upungufu wa damu na changamoto ya kutoka kwa mimba au kuzaliwa kwa mtoto amekufa.
Dk Maufi anasema mjamzito anatakiwa apimwe mara kwa mara kwa kuhudhuria kliniki ili kuepuka changamoto hizo na mtoto kuzaliwa akiwa na afya njema.
Mratibu wa afya ya Mama na Mtoto mkoa wa Shinyanga Halima Hamis anasema mkoa wa Shinyanga una asilimia 34 ya Mahudurio ya kliniki kwa wiki 12 za mwanzo ukilinganisha na kitafifa ni asilimia 60.
Waziri wa afya Ummy Mwalimu amesema kuwa Katika kipindi cha Julai 2021 hadi Machi 2022 jumla ya wanawake wajawazito 1,784,809 walihudhuria Kliniki na kupatiwa huduma za afya.
Waziri Ummy anasema kuwa asilimia 99.7 ya akinamama wajawazito walifanya mahudhurio manne au zaidi ikilinganishwa na asilimia 85 mwaka 2020, hata hivyo changamoto iliyopo ni wanawake wajawazito kuchelewa kuhudhuria klinik wapatapo ujauzito,” amesema Ummy.
“Takwimu zinaonesha kuwa kati ya wajawazito 1,784,809 ni wajawazito 656,040 sawa na asilimia 37.6 walianza kupata huduma za wajawazito chini ya wiki 12 za mwanzo wa ujauzito ikilinganishwa na asilimia 36 ya kipindi kama hiki mwaka 2020,” ameongeza.
Mtendaji wa kata ya Usule iliyopo halmashauri ya wilaya ya Shinyanga Shimba Masesa anazungumzia tatizo alilonalo mtoto jina limehidahiwa kuwa alizaliwa na ulemavu wa viungo na kichwa kikubwa.
Masesa anasema tatizo la mtoto huyo ni kuwa hawezi kujihudumia na hata bibi yake anayeishi naye hawezi kuondoka kwenda popote na kumuacha.
Hatua niliyochukua nimemwandikia barua ya utambulisho na kuweka taarifa zake za kumbukumbu ofisini ili aweze kupata msaada zaidi.
Masesa anasema mtoto huyo anaongea vizuri na umri wake wake ni miaka mitatu anaweza kwenda kuanza shule changamoto hali aliyonayo kumbe inatibika.
Mwenyekiti wa kijiji cha Igalamya kata ya Usule Felister Bundala anasema walianza jitihada za kuwaunganisha na viongozi ikiwemo mkuu wa wilaya kuhakikisha mtoto huyo anapata msaada wa haraka.
Baba wa mtoto huyo Samson Saramba anasema alizaliwa mwaka 2021 katika Zahanati ya kijiji cha Usule na tatizo hilo lilibainika mwaka huo baada ya wauguzi kuona eneo la Mgongo wa mtoto kuna kovu jeusi.
Saramba anasema Kovu hilo lilianza kuongezeka nakuwa Nundu hali iliyolazimu wamrudishe kwenye Zahanati nakupatiwa rufaa ya kwenda kituo cha Afya Tinde kilichopo halmashauri ya wilaya ya Shinyanga na wataalamu wa hapo waliwapa rufaa ya kwenda Bugando.
Saramba anasema alifanyiwa upasuaji wa mgongo kuuziba na kushonwa katika hospitali ya rufaa Bugando lakini kichwa kiliendelea kuwa kikubwa na miguu ilizidi kukosa nguvu.
Saramba anasema walielezwa warundi kliniki Bugando kwaajili ya uangalizi lakini hawakuwahi kurudi tenda kutokana na kukosa fedha za nauli ya kumrudisha Bugando.
“Ninaweza kuanza kufuatilia kliniki ya mwanangu tena kwa ushauri nilioupata nitaenda kuonana na viongozi ili nipatiwe huduma bure mimi sina uwezo gharama za usafiri ni shida”anasema Saramba.
Mama wa mtoto huyo wanadai mahudhurio ya kliniki yalikuwa sio mazuri kutokana na kutoelewana na mama mkwe wake ikiwemo maisha duni ndani ya familia.
Serikali ya Tanzania kupitia sera ya afya ya mwaka 2007 imewekeza katika kuboresha uhai wa mtoto kupitia utoaji wa huduma bure za afya kwa wajawazito na watoto chini ya miaka mitano.
Taarifa za utafiti zilizotolewa na TDHS-MIS za mwaka 2015 hadi 2016 zinaonyesha mafanikio makubwa ya asilimia 98.9 hapa nchini ni mahudhurio ya wajawazito kliniki waliohudumiwa na wataalamu wenye ujuzi kwenye vituo vya afya kutoka asilimia 96 ya mwaka 2010.
Kama una Taarifa, Habari, Tangazo n.k Wasiliana nasi kupitia shinyapress@gmail.com au +255 788 469 464
