Mwenyekiti wa Halmashauri Msalala Mibako Mabubu akiongea kwenye kikao cha Baraza la Madiwani.
Na Kareny Masasy, Kahama
MKUU wa wilaya ya Kahama mkoani Shinyanga Mboni Mhita amewataka madiwani watoe elimu juu ya fedha za mikopo za asilimia kumi zinazotolewa kwa wanawake,vijana na watu wenye ulemavu.
Pia fedha hizo zitakapo tolewa zielezwe sio za kuchezea bali wanapewa na kurejesha bila riba ili kufanyabiashara na kujiongezea kipato.
Mboni
amesema hayo leo tarehe 13,Novemba,2024 katika kikao cha kawaida cha baraza la
madiwani kilichofanyika katika
halmashauri hiyo nakuhudhuriwa na katibu tawala mkoa .
Mboni amewaomba madiwani wakawe mabalozi na kutoa elimu juu ya fedha hizo ili kusiwepo na dosari ya wananchi watakao anza kukopa nakushindwa kurejesha .
Mwenyekiti wa Halmashauri hiyo Mibako Mabubu amesema suala la kuongeza umri wa ukopaji kwa kundi la vijana kutoka miaka 35 hadi 45 limewafurahisha sana.
“Umri wa kuanzia miaka 18 hadi 35 vijana hao walikuwa wakisumbua hata katika
urejeshaji wao hivyo kuongezeka kwa umri wa vijana kukopa watapata nidhamu ya fedha wanayokopeshwa”amesema Mabubu.
Mwenyekiti
wa halmashauri hiyo amezishauri taasisi za serikali zinapotekeleza majukumu yao na kuitwa kwenye vikao vya baraza au kamati wasisite kuhudhuria kwani wakifanya
hivyo wanapunguza maswali kwa madiwani.
Diwani wa
kata ya Ikinda Matrida Musoma ameipongeza halmashauri kwa kitendo cha
ukusanyaji wa mapato kwa mwaka wa fedha
2024/2025 cha robo ya kwanza kufikia zaidi ya asilimia 36.
Diwani wa
kata ya Mwakata Ibrahimu Six ambaye ni makamu Mwenyekiti alimuomba mkuu wa wilaya
Mboni Mhita kuangalia uwezekano
wa kutenganishwa Mageti mawili yaliyowekwa karibu kwaajili ya ukusanyaji ushuru eneo la Isaka.
Six amesema kazi nzuri imefanywa na kamati ya fedha ,uongozi na Mipango kwa kushirikiana na wataalamu hadi kufikia zaidi ya asilimia 36 ya ukusanyaji wa mapato karika robo ya kwanza kwa mwaka huu.
Kama una Taarifa, Habari, Tangazo n.k Wasiliana nasi kupitia shinyapress@gmail.com au +255 788 469 464
