VIONGOZI WA AMCOS WILAYANI KISHAPU WAMELALAMIKIA VYAMA VYAO KULIPWA USHURU MDOGO WA MAUZO YA ZAO LA PAMBA

Wenyeviti wa vyama vya msingi vya ushirika Wilayani Kishapu wamelalamikia vyama vyao kulipwa ushuru mdogo na usiokidhi mahitaji wakati wa msimu wa ununuzi wa zao la pamba wakidai kuwa ushuru huo umekuwa ukipannda na kushuka kila mwaka bila kujali ugumu wa shughuli za ukushanyaji wa zaola pamba kutoka kwa wakulima hali inayosababisha vyama vingi kupata hasara na kushindwa kuendeleza shughuli za ushirika

Na Mwandishi wetu kutoa Mkoani Shinyanga.

Malalamiko ya viongozi wa vyama vya msingi vya ushirika wilayani Kishapu yameibuka Katikati ya mkutano wa viongozi wa vyama vya msingi vya ushirika (AMCOS) yakilenga kufikisha ujumbe kwa viongozi wa serikali Pamoja na viongozi wa SHIRECU na Bodi ya Pamba Tanzania TCB

Afisa ushirika wa Wilaya ya Kishapu Bwana Faraji Kimwaga amekiri kuwa changamoto hizo anazifahamu na kuunga mkono viongozi hao kudai marekebisho ya changamoto mbalimbali wanazozilalamikia ikiwemo ushuru mdogo na malipo mengine pungufu.

Kwa upande mwingine Meneja wa SHIRECU Kanda ya Mhunze Bwana Ramadhan Kato amekubaliana na umuhimu wa malalamiko hayo kuyafikisha panapohusika ili kutatua kero na changamoto zinazoonekana kuanza kukwamisha Ushirika wilayani Kishapu na Mkoa wa Shinyanga kwa ujumla.

Kutokana na hali hiyo Mkuu wa Wilaya ya Kishapu Bwana Joseph Mkude ameagiza kuitishwa mkutano maalum kitakachowashirikisha viongozi wa vyama vya msingi vya Ushirika, viongozi wa Chama Kikuu cha Ushirika (SHIRECU)na Bodi ya Pamba (TCB) ili kujadili changamoto hizo.

Imeelezwa kuwa hii ni hatua muhimu katika kuhakikisha vyama vya msingi vya ushirika vinaweza kufanya kazi kwa ufanisi zaidi bila kuwa na vikwazo vya kifedha ambavyo kwa miaka mingi vimekuwa vikididimiza shughuli za vyama vya ushirika nchini.