MWEKEZAJI
mzawa wa mkoani Manyara David Mulokozi amewashangaza wananchi wa Babati
kutua na Helkopita yake binafsi ambayo amenunua ili kurahisisha usafiri katika
kufanya shughuli zake huku akiiomba serikali kujenga uwanja wa ndege Manyara au
kumruhusu ajenge yeye halafu serikali ije imlipe ili kurahisisha usafiri wa
anga.
Mulokozi
ametua leo Desemba 18 katika uwanja wa Tanzanite Kwaraa akiwa na familia yake
akitokea ughaibuni.
Aidha
amesema gharama inayotumiwa na wananchi kufuata uwanja wa ndege wa Kilimanjaro(KIA)
na uwanja wa ndege wa Dodoma ni kubwa ambapo fedha inayotumika kwenye magari
kufuata viwanja vya ndege ili kusafiri inatosha kulipia usafiri wa ndege kwenda
Dar es salaam.
Bilinea huyo
amesema wakati anafatilia vibali vya kununua ndege hiyo hajapata usumbufu kwa
kuwa alifuata kila hatua iliyotakiwa.
"Naomba
serikali itujengee uwanja wa ndege Manyara ili kurahisisha usafiri na kama
ikiniruhusu kujenga mimi mwenyewe niko tayari hata kesho maana huu ni
uwekezaji,"amesema Mulokozi
Vile vile
ameeleza kuwa ndege hiyo itasaidia kurahisisha biashara zake za kiwanda cha
Mati Super Brands Limited ambapo ataweza kusafiri mikoa saba mpaka 10 kuongea
na wateja wao.
Amesema
amefungua njia kwa wafanyabiashara wengine wa Manyara wenye uwezo anasema
wanunue ili kuongeza wigo wa usafiri wa anga na ndio uwekezaji wenyewe.
Mfanyabiashara
huyo amesema baada ya kutoka Babati ndege hiyo inaelekea Bukoba mkoani Kagera
itapita Mwanza kuweka mafuta na kwenda Bukoba halafu itarudi Babati na
baadaye itaenda kupaki Arusha au KIA.
Naye mkazi
wa Babati Inyasi Melicholi alimpongeza Mulokozi kwa uthubutu na kusema
ameiheshimisha Babati na mkoa wa Manyara.
Kama una Taarifa, Habari, Tangazo n.k Wasiliana nasi kupitia shinyapress@gmail.com au +255 788 469 464
